အနမ်းတစ်ခုဟာ
အသံထွက်ဖို့လိုသလား
...???
ကျွန်တော်တစ်ခါမှ
မစဉ်းစားခဲ့မိဘူး ...
အနမ်းဟာ အနမ်းပဲပေါ့
...
အနမ်းဟာ နှုတ်ခမ်းတစ်ခုနဲ့စတင်တယ်လို့
ခင်ဗျားထင်နေလား ...
ဒါဆိုမှားသွားလိမ့်မယ်
...
အနမ်းဟာ တစ်ခါတလေ
ခင်ဗျားမသိအောင် မျက်စေ့လည်လမ်းမှားပြီးရောက်လာတတ်တယ်
...
တစ်ခါတလေကျတော့လည်း
...
နည်းနည်း လူသိရှင်ကြားပေါ့
...
အနမ်းဟာ အနမ်းစစ်စစ်ဖြစ်ဖို့
အချစ် ဆိုတဲ့ဘာသာရပ်ရဲ့
အခြေခံသဘောတရားကိုတော့
ခင်ဗျား နည်းနည်းနားလည်ဖို့လိုမယ်
...
ဒါပေမယ့်လည်း အနမ်းမှန်သမျှ
အချစ်ကမွေးဖွားလာတာတော့
မဟုတ်ပြန်ဘူး ...
ထူးဆန်းတဲ့ အကြောင်းအရာတစ်ခုဟာ
အနမ်းမဟုတ်ဘူး ...
မြင်မြင်ချင်းချစ်မိတာပါ
လို့ဆိုတာ အနမ်းမဟုတ်ဘူး ...
နောင်ဘယ်တော့မှ ခွဲမသွားနဲ့နော်
ဆိုတာလည်း အနမ်းမဟုတ်ဘူး ...
မင်းတစ်ယောက်ထဲအတွက်ပါ
အချစ်ရေ့ ... ဆိုတာလည်း အနမ်းမဟုတ်ပြန်ဘူး ...
ဒါပေမယ့် ...
သက်ပြင်းတစ်ရှိုက်
ရင်ထဲမှာ လှိုက်ခနဲဖို
စိုစွတ်နေတဲ့ နှုတ်ခမ်းသားနုနုလေးမှာ
အနမ်းတစ်ခုဟာ တွဲလွဲခိုနေလေရဲ့
....
ခင်ဗျား မသိအောင်
တိတ်တိတ်ခလေး ....
....................................................
စိုးသူရ
No comments:
Post a Comment